Չնայած այն բանին, որ Կազանում վերջնական համաձայնություն ձեռք չի բերվել ղարաբաղյան հակամարտության կարգավորման հիմնարար սկզբունքների առնչությամբ, այդուհանդերձ, առաջընթաց արձանագրվել է։ Այս մասին, ինչպես նշվում է ԵԱՀԿ պաշտոնական կայքում, ասված է ԵԱՀԿ Մինսկի խմբի համանախագահներ Բեռնար Ֆասիեի, Ռոբերտ Բրադտկեի և Իգոր Պոպովի համատեղ հայտարարությունում։Հայտարարությունում նշվում է, որ առկա տարաձայնությունները չպետք է խանգարեն կողմերին հիմնարար սկզբունքների ընդունման ճանապարհին և խաղաղ համաձայնագրի մշակմանը։
«Ինչպես նշել են նախագահներ Մեդվեդևը, Սարկոզին և Օբաման մայիսի 26-ին Դովիլում արած համատեղ հայտարարությունում, հետագա ձգձգումը կասկածի տակ կդնի համաձայնության հասնելու կողմերի նվիրվածությունը»,– ասվում է հայտարարությունում։
Հայտարարությունում նշվում է նաև, որ համանախագահները ծրագրում են խորհրդակցություններ անցկացնել Մոսկվայում և պատրաստվում են առաջիկայում այցելել տարածաշրջան։
Tehran Time
Yerevan Time
No comments:
Post a Comment