Թուրքիայի ԱԳՆ-ն է ընտրել Եվրատեսիլի մասնակցին

News.am. 31-1-2012- Եվրատեսիլ 2012-ում Թուրքիան ներկայացնող հրեական արմատներով Ջան Բոնոմոյի ընտրության շուրջ Թուրքիայում շարունակվում են քննարկումները։ Թուրքական Akşam-ի փոխանցմամբ՝ այն շրջանում, երբ վատթար վիճակում են գտնվում թուրք-իսրայելական հարաբերությունները, Թուրքիայի ԱԳՆ-ը 2 կարեւոր քայլ է կատարել։ Թուրքիայի ԱԳՆ-ի պահանջի հիման վրա՝ թուրքական պետական TRT հեռուստաընկերությունը որոշում է կայացրել, որ Թուրքիան Եվրատեսիլ 2012-ում կներկայացնի հրեական արմատներով Ջան Բոնոմոն։ Թուրքիայի ԱԳՆ-ի կողմից հաջորդ պահանջի արդյունքում՝ TRT-ով ցուցադրվել է Հոլոքոստին նվիրված Shoah վավերագրական ֆիլմը։ Իր հերթին TRT-ի ղեկավարությունը հերքել է մամուլում տարածված տեղեկությունները, թե Ջան Բոնոմոյին ընտրել է ԱԳՆ-ը։