Մեծ Բրիտանիայի թագուհու պայուսակի գաղտնիքը բացահայտված է

Տարիներ շարունակ Մեծ Բրիտանիայում մարդիկ քննարկում էին, թե արդյոք թագուհին իր պայուսակում թղթադրամներ ունենո՞ւմ է, թե՞ ոչ: Daily Mail-ը գրում է, որ այժմ այդ գաղտնիքը բացահայտված է: Պարզվում է, որ թագուհին, բացի իր շրթներկից և հայելուց, պայուսակում պահում է նաև 5 կամ 10 ֆունտ սթեռլինգ արժողությամբ թղթադրամ` կիրակի օրերին եկեղեցում հանգանակություն անելու նպատակով: Բացահայտումն արել է թագավորական ընտանիքի կենսագիր Սելի Բեդել Սմիթը, ով թագուհու պայուսակի գաղտնիքները բացահայտել է իր նոր՝ Elizabeth the Queen: The Woman Behind The Throne գրքում: The Lady ամսագրին տված հարցազրույցում Սմիթն ասել է, որ թագուհին իր պայուսակում հիմնականում ամենօրյա օգտագործման իրեր է պահում, ինչպես նաև՝ եկեղեցում հանգանակության համար նախատեսված թղթադրամ: