Թուրքերն էլ Անիում «բուտիկներ» տեղադրեցին

News.am. 26-4-2012- Թուրքիայում շարունակում են աշխատանքները Հայաստանի պատմական

մայրաքաղաք Անիից եկամտի աղբյուրներ ստանալու ուղղությամբ։ Թուրքական Zaman-ի փոխանցմամբ՝ պատմական Անի քաղաքի մոտ իրականացվել է առեւտրի տաղավարների բացում, որտեղ տեղացիները պետք է հուշանվերներ վաճառեն։ Տաղավարների բացմանը մասնակցած Կարսի նահանգապետ (Անիի ավերակները մտնում են Կարսի նահանգի մեջ) Ահմեդ Քարան նշել է, թե բացված տաղավարները կօգնեն Անիի հարեւանությամբ գտնվող Օջաքլը գյուղի բնակիչներին հավելյալ եկամուտ ստանալ՝ վաճառելով հուշանվերներ։