«Ղարաբաղյան հակամարտությունը կարող է կարգավորվել միայն խաղաղ ճանապարհով». Իլհամ Ալիև

1in.am. 25-4-2012- Ադրբեջանական ANS PRESS-ի փոխանցմամբ՝ կորեական Diplomacy

պարբերականին տված հարցազրույցի ժամանակ Ադրբեջանի նախագահ Իլհամ Ալիևն անդրադարձել է նաև Ղարաբաղյան հակամարտության կարգավորմանը. «Կարելի է ասել, որ Ադրբեջանը հասել է իր զարգացման ճանապարհին ընկած նպատակներին: Միևնույն ժամանակ, առկա են խնդիրներ, որոնց լուծումը կարևոր է: Ադբեջանական պետության ու ժողովրդի ամենացավալի խնդիրը շարունակում է մնալ Ղարաբաղյան հակամարտության չկարգավորված լինելը: Այդ հակամարտությունն ամենամեծ սպառնալիքն է տարածաշրջանի խաղաղության ու կայունության համար: Երկար տարիներ այդ հակամարտության կարգավորմամբ զբաղվում է ԵԱՀԿ Մինսկի խումբը: Դրանում համանախագահող երկրներ Ռուսաստանի, ԱՄՆ-ի ու Ֆրանսիայի միջնորդությամբ բազմաթիվ հանդիպումներ են անցկացվել Հայաստանի և Ադրբեջանի նախագահների միջև: Սակայն հայկական կողմի ապակառուցողական դիրքորոշման պատճառով այդ հակամարտությունը դեռ մնում է չլուծված: Այդ հակամարտությունը կարող է կարգավորվել միայն խաղաղ ճանապարհով՝ միջազգային սկզբունքների հիման վրա»: