Նախագահ դառնալու դեպքում Ռոմնին կհարձակվի Իրանի վրա

Tert.am. 18-6-2012- Մասաչուսեթսի նախկին նահանգապետ և Հանրապետական կուսակցության կողմից ԱՄՆ-ի նախագահի թեկնածու Միթ Ռոմնին նոյեմբերին կայանալիք ընտրություններում հաղթելու դեպքում պատրաստ է ռազմական ուժ կիրառել Իրանի նկատմամբ Թեհրանին միջուկային զենք ունենալու հնարավորությունից: Թեհրանին ուղղված նման նախազգուշացուով Ռոմնին հանդես է եկել CBS հեռուստաընկերության եթերում: «Կարող եմ պնդել, եթե ես դառնամ նախագահ, ապա իրանցիները ոչ մի կասկած չեն ունենա անհրաժեշտության դեպքում ռազմական գործողություններ ձեռնարկելու պատրաստակամության հարցում, որպեսզի թույլ չտրվի իրենք աշխարհի համար միջուկային սպառնալիք դառնան», - մասնավորապես ասել է Ռոմնին: Ռոմնիի կարծիքով` ռազմական գործողություններ սկսելու համար իրեն անհրաժեշտ չի լինի Կոնգրեսի թույլտվությունը: Washington Post-ին տված հարցազրույցում Իրանի դեմ ռազմական ուժի կիրառման մասին է խոսել նաև Իսրայելի նախագահ Շիմոն Պերեսը՝ ընդգծելով, որ ռազմական միջամտության սպառնալիքը «զուտ տակտիկական քայլ չէ»: