Վերջին ժամանակներս ռուսական մամուլում հաճախ են երեւում հաղորդագրություններ ռուս-թուրքական ռազմական շփումների մասին: Ըստ վերջին լուրերի, չի բացառվում, որ Անկարան իր հակաօդային պաշտպանությունը կարող է հագեցնել ռուսական հրթիռներով:Բանն այն է, որ Թուրքիան պատրաստվում է մինչեւ 2010 թվականն իրեն ապահովագրել հավանական հակառակորդների հրթիռներից: Ծրագրվում է տեղակայել հակաօդային ութ մարտկոց, որոնցից չորսը տեղ կգտնեն Ստամբուլում եւ Անկարայում, ինչպես նաեւ այն վայրերում, որտեղ մեծ է հարձակման վտանգը:
Առաջիկայում Թուրքիայի պաշտպանության նախարարությունը կհայտարարի թենդեր, որին կմասնակցեն նաեւ ռուսական զենք վաճառող ձեռնարկությունները: Հատուկ նշվում է, որ հաղթելու մեծ հնարավորություններ ունեն C-300 համալիրները, որոնք իրենց ռազմատեխնիկական բնութագրերով գերազանցում են բոլորին, այդ թվում նաեւ ամերիկյան նմանակներին:
Tehran Time
Yerevan Time
No comments:
Post a Comment