ՖԻՖԱ-ի «Արդար խաղ» մրցանակը կշնորհվի Հայաստանի և Թուրքիայի ֆուտբոլի ֆեդերացիաներին

HayInfo. 12-1-2009- Ֆուտբոլային ասոցիացիաների միջազգային ֆեդերացիայի «Արդար խաղ» (Fair Play) մրցանակը երկուշաբթի Ցյուրիխում կշնորհվի Հայաստանի և Թուրքիայի ֆուտբոլի ֆեդերացիաներին, հայտնեց ՀՀ Ֆուտբոլի ֆեդերացիայի մամուլի քարտուղար Գեորգի Մաթևոսյանը։ Նրա խոսքերով, մրցանակները կշնորհվեն այսօր ՖԻՖԱ-ի գալա-ներկայացման ընթացքում։ Նրա խոսքերով, արդեն Ցյուրիխում է գտնվում ՀՀ Ֆուտբոլի ֆեդերացիայի նախագահ Ռուբեն Հայրապետյանը։ Մի շարք ԶԼՄ-ների հաղորդման համաձայն, Հայաստանի և Թուրքիայի ֆուտբոլի ֆեդերացիաները 2008 թ.-ի այս մրցանակի արժանացել են ֆուտբոլի միջոցով խաղաղության ամրապնդման համար։ 2008 թ.-ի սեպտեմբերի 6-ին Երևանում 2010 թ.-ի ֆուտբոլի աշխարհի առաջնության ընտրական փուլի շրջանականերում կայացավ երկու երկրների ֆուտբոլային հավաքականների հանդիպումը, որի ընթացքին հետևեցին Հայաստանի և Թուրքիայի նախագահներ Սերժ Սարգսյանն ու Աբդուլա Գյուլը։ Ֆուտբոլային հանդիպումը հայ-թուրքական հարաբերությունների նորմալացման առիթ դարձավ։