ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Մոսկովյան գազային միջազգային համաժողովը ցույց տվեց, որ վերանայման կարիք ունեն ինչպես էներգամատակարարման գործող համակարգերը, էներգետիկ անվտանգության մեխանիզմները, այնպես Էլ դրանք կարգավորող օրենսդրական դաշտը: Թե որքանով են դրանք անդրադառնում Հայաստանի անխափան գազամատակարարման եւ էներգետիկ անվտանգության ապահովման վրա, «Արմենպրես»-ի խնդրանքով ներկայացրեց «Հայռուսգազարդ» ՓԲԸ գլխավոր տնօրեն Կարեն Կարապետյանը:
Նրա խոսքով` վերջին իրադարձությունները ցույց տվեցին, որ էներգետիկ անվտանգության համակարգում շատ սուր խնդիրներ կան: Եղած համապատկերում կարելի է արձանագրել, որ էներգետիկ անվտանգության տեսանկյունից Հայաստանն էապես առաջ է անցել: Վերջին հինգ տարիների ընթացքում հանրապետությունը յուրաքանչյուր տարի ձմռանն ունեցել է գազամատակարարման դադարեցում, ինչը, սակայն, բաժանորդներն ընդհանրապես չեն զգացել:
«Հայռուսգազարդ»-ի գլխավոր տնօրենի հավաստմամբ, այս տարվա հունվարյան անջատումն էլ չէր զգացվի, եթե այդ փաստը չարձանագրեին լրատվամիջոցները: «Իրողությունն այն է, որ այսօր Հայաստանն էներգետիկ անվտանգության տեսակետից շատ ավելի անվտանգ է, քան եվրոպական երկրներից շատերը: Եւ սա այն պարագայում, երբ թվում էր, թե գազի եւ այլ էներգակիրների ներկրումն այնտեղ շատ ավելի դիվերսիֆիկացված Է, քան մեզ մոտ»,-նշեց Կ. Կարապետյանը: Ըստ նրա` գազային միջազգային համաժողովում հնչած խնդիրները մտածելու տեղիք են տալիս, եւ այդ առումով կարելի է արձանագրել, որ այն ճանապարհը, որով Հայաստանն անցնում է էներգետիկ անվտանգության հարցի լուծման համար, արդյունավետ է. «Սա հերթական ապացույցն է, որ մենք ճիշտ ուղով ենք ընթանում, քայլերը ժամանակին ենք անում եւ չենք ուշանում»,-ասաց «Հայռուսգազարդ»-ի ղեկավարը:
Ներկայումս Հայաստանի 93 տոկոսը գազիֆիկացված է, եւ այդ ցուցանիշով մեր երկիրն աշխարհում գտնվում է առաջին եռյակում, իսկ 2006 թվականից սկսած` առաջինն է ԱՊՀ տարածքում: Աշխարհի այն երկրների շարքում, որոնք չունեն սեփական գազային պաշարներ, Հայաստանը գազիֆիկացման մակարդակով առաջին տեղում է: Հայտնի Է, որ սեփական գազային պաշարներ չունեցող երկրներում գազիֆիկացիայի առավելագույն տոկոսը 40 է: Այդուհանդերձ, չնայած բարդ պայմաններին, հայ մասնագետներին հաջողվել է հասնել գազիֆիկացման բարձ մակարդակի՝ այս ոլորտում վաստակելով նաեւ միջազգային ճանաչում:
Մոսկովյան համաժողովի շրջանակներում տարբեր երկրների գազամատակարարող ընկերությունների ղեկավարները քննարկեցին նաեւ մասնագիտական շատ խնդիրներ: Կ. Կարապետյանը գոհունակությամբ նշեց, որ Հայաստանը զգալիորեն առաջ է անցել նաեւ ներքին անվտանգության համակարգի կառուցման առումով: Մասնագետները յուրահատուկ են գնահատել ՀՀ-ում տնային համակարգի սպասարկման սկսված գործընթացը, որը ենթադրում է ավտոմատ անջատիչների տեղադրում յուրաքանչյուր բնակարանում: Վերջին մեկ տարվա ընթացքում նման ավտոմատներ տեղադրվել են 250000 բնակիչ-բաժանորդների մոտ եւ, «Հայռուսգազարդ»-ի գլխավոր տնօրենի հավաստմամբ, դրանով նվազագույնի է հասնում մեծ վթարների հավանականությունը: ԱՊՀ մի շարք երկրների գազամատարարաող ընկերությունների ղեկավարներ առաջիկայում կայցելեն Հայաստան՝ ուսումնասիրելու եւ իրենց երկիր տեղափոխելու հայաստանցի մասնագետների այս փորձը:
Վերջին երկու տարում «Հայռուսգազարդի» կատարած ներդրումները կազմել են 550 մլն դոլար: Կ. Կարապետյանի հավաստմամբ, առաջիկա 3 տարում նախատեսվում է կատարել եւս շուրջ 600 մլն դոլարի ներդրումներ, որոնք կուղղվեն էներգետիկ ոլորտին, անվտանգության բարձրացմանը, գազատրանսպորտային համակարգի բարելավմանը: Կշարունակվեն աշխատանքները գազապահեստարանի ծավալների մեծացման, Իրան-Հայաստան գազամուղի շահագործման ապահովման, մի շարք այլ ուղղություններով:Tuesday, January 20, 2009
Կարեն Կարապետյան. «Էներգետիկ անվտանգության տեսանկյունից Հայաստանն էապես առաջ է անցել»
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Մոսկովյան գազային միջազգային համաժողովը ցույց տվեց, որ վերանայման կարիք ունեն ինչպես էներգամատակարարման գործող համակարգերը, էներգետիկ անվտանգության մեխանիզմները, այնպես Էլ դրանք կարգավորող օրենսդրական դաշտը: Թե որքանով են դրանք անդրադառնում Հայաստանի անխափան գազամատակարարման եւ էներգետիկ անվտանգության ապահովման վրա, «Արմենպրես»-ի խնդրանքով ներկայացրեց «Հայռուսգազարդ» ՓԲԸ գլխավոր տնօրեն Կարեն Կարապետյանը:
Նրա խոսքով` վերջին իրադարձությունները ցույց տվեցին, որ էներգետիկ անվտանգության համակարգում շատ սուր խնդիրներ կան: Եղած համապատկերում կարելի է արձանագրել, որ էներգետիկ անվտանգության տեսանկյունից Հայաստանն էապես առաջ է անցել: Վերջին հինգ տարիների ընթացքում հանրապետությունը յուրաքանչյուր տարի ձմռանն ունեցել է գազամատակարարման դադարեցում, ինչը, սակայն, բաժանորդներն ընդհանրապես չեն զգացել:
«Հայռուսգազարդ»-ի գլխավոր տնօրենի հավաստմամբ, այս տարվա հունվարյան անջատումն էլ չէր զգացվի, եթե այդ փաստը չարձանագրեին լրատվամիջոցները: «Իրողությունն այն է, որ այսօր Հայաստանն էներգետիկ անվտանգության տեսակետից շատ ավելի անվտանգ է, քան եվրոպական երկրներից շատերը: Եւ սա այն պարագայում, երբ թվում էր, թե գազի եւ այլ էներգակիրների ներկրումն այնտեղ շատ ավելի դիվերսիֆիկացված Է, քան մեզ մոտ»,-նշեց Կ. Կարապետյանը: Ըստ նրա` գազային միջազգային համաժողովում հնչած խնդիրները մտածելու տեղիք են տալիս, եւ այդ առումով կարելի է արձանագրել, որ այն ճանապարհը, որով Հայաստանն անցնում է էներգետիկ անվտանգության հարցի լուծման համար, արդյունավետ է. «Սա հերթական ապացույցն է, որ մենք ճիշտ ուղով ենք ընթանում, քայլերը ժամանակին ենք անում եւ չենք ուշանում»,-ասաց «Հայռուսգազարդ»-ի ղեկավարը:
Ներկայումս Հայաստանի 93 տոկոսը գազիֆիկացված է, եւ այդ ցուցանիշով մեր երկիրն աշխարհում գտնվում է առաջին եռյակում, իսկ 2006 թվականից սկսած` առաջինն է ԱՊՀ տարածքում: Աշխարհի այն երկրների շարքում, որոնք չունեն սեփական գազային պաշարներ, Հայաստանը գազիֆիկացման մակարդակով առաջին տեղում է: Հայտնի Է, որ սեփական գազային պաշարներ չունեցող երկրներում գազիֆիկացիայի առավելագույն տոկոսը 40 է: Այդուհանդերձ, չնայած բարդ պայմաններին, հայ մասնագետներին հաջողվել է հասնել գազիֆիկացման բարձ մակարդակի՝ այս ոլորտում վաստակելով նաեւ միջազգային ճանաչում:
Մոսկովյան համաժողովի շրջանակներում տարբեր երկրների գազամատակարարող ընկերությունների ղեկավարները քննարկեցին նաեւ մասնագիտական շատ խնդիրներ: Կ. Կարապետյանը գոհունակությամբ նշեց, որ Հայաստանը զգալիորեն առաջ է անցել նաեւ ներքին անվտանգության համակարգի կառուցման առումով: Մասնագետները յուրահատուկ են գնահատել ՀՀ-ում տնային համակարգի սպասարկման սկսված գործընթացը, որը ենթադրում է ավտոմատ անջատիչների տեղադրում յուրաքանչյուր բնակարանում: Վերջին մեկ տարվա ընթացքում նման ավտոմատներ տեղադրվել են 250000 բնակիչ-բաժանորդների մոտ եւ, «Հայռուսգազարդ»-ի գլխավոր տնօրենի հավաստմամբ, դրանով նվազագույնի է հասնում մեծ վթարների հավանականությունը: ԱՊՀ մի շարք երկրների գազամատարարաող ընկերությունների ղեկավարներ առաջիկայում կայցելեն Հայաստան՝ ուսումնասիրելու եւ իրենց երկիր տեղափոխելու հայաստանցի մասնագետների այս փորձը:
Վերջին երկու տարում «Հայռուսգազարդի» կատարած ներդրումները կազմել են 550 մլն դոլար: Կ. Կարապետյանի հավաստմամբ, առաջիկա 3 տարում նախատեսվում է կատարել եւս շուրջ 600 մլն դոլարի ներդրումներ, որոնք կուղղվեն էներգետիկ ոլորտին, անվտանգության բարձրացմանը, գազատրանսպորտային համակարգի բարելավմանը: Կշարունակվեն աշխատանքները գազապահեստարանի ծավալների մեծացման, Իրան-Հայաստան գազամուղի շահագործման ապահովման, մի շարք այլ ուղղություններով:
Subscribe to:
Post Comments (Atom)
Tehran Time
Yerevan Time
No comments:
Post a Comment