Panorama.amղ 13-1-2010- Ռուսաստանի վարչապետ Վլադիմիր Պուտինի հրավերով երկօրյա պաշտոնական այցով Ռուսաստան գտնվող Թուրքիայի վարչապետ Թայիփ Էրդողանը Մոսկվայի պետական համալսարանի Միջազգային հարաբերությունների ինստիտուտում «Թուրքիայի արտաքին քաղաքականությունը» խորագրով ելույթ է ունեցել:
Թուրքական «Ջումհուրիյեթ» (Cumhuriyet) թերթի էլ-կայքը տեղեկացնում է, որ Էրդողանը խոսել է Թուրքիայի եվրաանդամակցության, Կիպրոսի հիմնախնդրի, Իրանի, Իրաքի և Սիրիայի հետ կապված մի շարք հարցերի մասին:
Նույն աղբյուրի համաձայն` Թուրքիայի վարչապետը չի անդրադարձել հայ-թուրքական հարաբերությունների կարգավորման խնդրին:
Էրդողանը վերահաստատել է Անկարայի վճռականությունը եվրաանդամակցության հարցում և շեշտել, որ այլընտրանքային ոչ մի տարբերակ` բացի լիիրավ անդամակցությունից, Թուրքիայի համար ընդունելի չէ:
Թուրքիայի կառավարության ղեկավարը ընդգծել է, որ իր երկիրն աստիճանաբար մերձենում է հարևաններ պետությունների հետ: Մասնավորապես նա հիշեցրել է կարճ ժամանակահատվածում Իրաքի հետ 48 և Սիրիայի հետ կնքված 51 պայմանագրերի, փոխադարձաբար վիզային ռեժիմների վերացման մասին:
Կիպրական հարցի առնչությամբ էլ Էրդողանն ասել է, որ 2010 թվականը, հավանաբար, լինելու է Կիպրոսի հարցի լուծման տարի:
Wednesday, January 13, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment