Ինչո՞ւ են հայերը ցանկանում հեռանալ Հայաստանից

Tert.am. 16-2-2010- «Հայաստանում միգրացիոն հոսքերի կառավարման հզորացում» ծրագրի շրջանակներում People in Need կազմակերպության հայաստանյան մասնաճյուղը Երևան, Գյումրի, Վանաձոր, Գավառ և Չարենցավան քաղաքներում 2009թ. հունիս-դեկտեմբեր ամիսներին իրականացրել է սոցիոլոգիական հետազոտություն, որին մասնակցել են 155 պոտենցիալ միգրանտներ, ովքեր այս կամ այն կերպ ցանկանում են հեռանալ Հայաստանից։ «Ինչո՞ւ եք ցանկանում հեռանալ Հայաստանից» հարցին մասնակիցների 60 տոկոսը պատասխանել է, որ այստեղ առհասարակ չի կարողանում գտնել աշխատանք, 27 տոկոսը չի կարողանում գտնել մասնագիտական աշխատանք, 58 տոկոսը` ցածր եկամուտով աշխատանքն է նշում, 7 տոկոսը ցանկանում է արտերկրում կրթություն ստանալ, 29 տոկոսը նշում է սեփական բիզնեսով զբաղվելու հնարավորության բացակայությունը, 5 տոկոսը ցանկանում է ընտանիքի հետ միանալ, 14 տոկոսին դուր չի գալիս մարդու իրավունքների ոտնահարված լինելը, 1 տոկոսը ցանկանում է հեռանալ բուժման նպատակով։ Ինչպես նշում է վերլուծությունն իրականացրած սոցիոլոգ Գասպար Ավագյանը հիմնական դրդապատճառը զուտ տնտեսական է` աշխատանք կամ բարձր վարձատրվող աշխատանք չգտնելը, սեփական բիզնես ունենալու հնարավորության բացակայությունը Հայաստանու։