Aysor.am.5-4-2010- Իրանցի ոստիկանները արցունքաբեր գազի օգտագործմամբ Ուրմիա լճի շրջակայքում` Շահիդ Քալանաթարի կամրջի մոտ, ցրել են ադրբեջանցի ցուցարարներին: Այդ մասին հաղորդում է իրանական «www.emruznews.com» կայքը` նշելով, որ 100 ադրբեջանցի ցուցարարներ ձերբակալված են:
Ադրբեջանի քաղաքացիները հավաքվել էին Ուրմիա լճի մոտ` բողոքելու Իրանի իշխանություններին, որպեսզի վերջիններս միջոցներ ձեռնարկեն լիճը բնապահպանական աղետից փրկելու համար:
Ցուցարարները վանկարկել են «Կեցցե Ադրբեջանը», «Դպրոցներում թուրքերեն լեզու», «Կեցցե Ադրբեջանը, կորչեն թշնամիները» կարգախոսերը:
Հիշեցնենք, որ վերջերս Բաքվում Իրանի դեսպանության առջև Ադրբեջանցիների համաշխարհային կոնգրեսը (ԱՀԿ) Ուրմիա լճի ջրի նվազման կապակցությամբ ևս կազմակերպել է բողոքի ցույց: ԱՀԿ մշտական խորհրդի նախագահ Աջար Թաղիզադեն հայտարարել է, որ Ուրմիա լճի շրջակա տարածաշրջանը Ադրբեջանի պատմական խորհրդանիշերից մեկն է:
Monday, April 5, 2010
Իրանցի ոստիկանները ձերբակալել են ադրբեջանցի ցուցարարներին
Subscribe to:
Post Comments (Atom)
No comments:
Post a Comment