Մահմուդ Աբասը Բարաք Օբամային խնդրե՞լ է Գազայի հատվածի շրջափակումը չհանել

7Or.am. 14-6-2010- Իսրայելական մամուլը մանրամասներ է հրապարակել Պաղեստինի ինքնավարության առաջնորդի և ԱՄՆ նախագահի հանդիպման մասին, որտեղ նա իբր թե հայտարարել է, թե Գազայի հատվածի շրջափակման վերացումը կուժեղացնի «ՀԱՄԱՍ»-ը։ «Գազայի հատվածի շրջափակման ամբողջական վերացումը կհանգեցնի «ՀԱՄԱՍ»-ի ուժեղացմանը, այդ պատճառով էլ մենք կտրականապես առարկում ենք այդպիսի քայլի դեմ»,-հայտարարել է Պաղեստինի ինքնավարության ղեկավար Մահմուդ Աբասը ԱՄՆ նախագահ Բարաք Օբամայի հետ նախորդ շաբաթ Վաշինգտոնում կայացած հանդիպման ժամանակ։ «Timeturk»-ը իսրայելական թերթից մեջբերել է, թե հրապարակումը հայտարարում է, որ Պաղեստինի առաջնորդի շրջապատում համարում են՝ «գազայի հատված նավերի և բեռների անարգել մուտքը Պաղեստինյան ինքնավարությանը ծայրահեղ վատ վիճակի մեջ կդնի»։ Թերթը գրում է, որ նման կարծիք է արտահայտել նաև Եգիպտոսը։ Չնայած որ Եգիպտոսը ժամանակավորապես բացել է հսկիչ կետը Ռաֆիահում՝ որպես բողոքի ցույց ընդդեմ «Ազատության նավատորնմի» դեմ Իսրայելի գործողությունների, նա այդ հատվածի շրջափակումը շարունակում է։