Ահմադինեժադը` իմփիչմենտի վտանգի առաջ

Report.am. Իրանի Իսլամական Հանրապետության մեջլիսի ազդեցիկ պատգամավորներից մեկը` Ահմադ Թավոքալլին սուր քննադատության է ենթարկել Իրանի նախագահ Մահմուդ Ահմադինեժադին: Այդ մասին տեղեկացնում են իրանական լրատվամիջոցները: Պատգամավորը զայրացած է, որ Ահմադինեժադը չի կատարում մեջլիսի կողմից ընդունված օրենքների պահանջները: Թավոքալլին նշել է, որ նախագահը հրաժարվում է կատարել խորհրդարանի ցուցումները: «Սահմանադրությունը ցույց է տալիս, որ 10 պատգամավորի ստորագրությունը բավարար է, որպեսզի պաշտոնից հեռացվի յուրաքանչյուր նախարար, ով չի կատարում մեջլիսի պահանջները: Նախագահի պարագայում բավարար է խորհրդարանականների 1/3-ի քվեն»,- սպառնացել է Թավոքալլին: