Ադրբեջանի ԱԳՆ–ն պատասխանել է Էդվարդ Նալբանդյանին

7Or.am. 16-7-2010- Անդրադառնալով ՀՀ ԱԳ նախարար Էդվարդ Նալբանդյանի այն հայտարարությանը, թե ղարաբաղյան բանակցություններում երբեք չի քննարկվել Լաչինի և Քարվաճառի հանձնման հարցը և դա բացահայտ սուտ է՝ Ադրբեջանի ԱԳՆ մամուլի ծառայության պետ Էլհան Պոլուխովն ասել է, թե դժվար է բանակցություններ վարել հայկական կողմի հետ, ով աչքերիդ նայելով մի բան է ասում, իսկ հետո բազմիցս հեշտությամբ հրաժարվում է իր խոսքերից։ «Վաղը Ալմաթիում սպասվում է Հայաստանի և Ադրբեջանի ԱԳ նախարարների հանդիպումը, որտեղ քննարկվելու է ԼՂ-ի հակամարտության թեմայով բոլոր հարցերի շրջանակը։ Հուսով եմ, որ այս հանդիպումից հետո հայկական կողմը կրկին չի հրաժարվի իր խոսքերից և խոստումներից»,-ասել է Պոլուխովը։