Ալիևի մամլո ծառայությունը հերքում է անհերքելին

HayNews.am. 30-11-2010- Ադրբեջանի նախագահ Իլհամ Ալիևի մամլո ծառայությունը հանդես է եկել WikiLeaks կայքի հրապարակումները հերքող հայտարարությամբ: Հիշեցնենք, որ WikiLeaks-ը հրապարակել է Ալիևի խոսակցություններն ամերիկացի մի բարձրաստիճան պաշտոնյայյի հետ, որտեղ Ադրբեջանի նախագահն իրեն թույլ է տվել փողոցային արտահայտություններ անել ՌԴ նախագահ Մեդվեդևի, վարչապետ Պուտինի, Իրանի նախագահ Ահմադինեջադի, ինչպես նաև իր «ավագ եղբայր» Թուրքիայի վարչապետ Էրդողանի հասցեին:
Այժմ Ալիևի ծառայությունը փորձում է հերքել այն, ինչը չի համարձակվում հերքել անգամ ԱՄՆ պետքարտուղարությունը, որից էլ WikiLeaks-ը հաջողացրել է ինչ-որ կերպ վերցնել ողջ տեղեկատվությունը: