Ստամբուլի հայկական հիվանդանոցում հրդեհ է բռնկվել

News.am. 27-12-2010- Ստամբուլի հայկական Սուրբ Փրկիչ հիվանդանոցի տանիքում դեռեւս չպարզված հանգամանքերում հրդեհ է բռնկվել։

Հրդեհը ծագել է դեկտեմբերի 25-ի լույս 26-ի գիշերը, իսկ օջախը եղել է հիվանդանոցին կից ծերանոցի տանիքում։ Արագ դեպքի վայր եկած հրշեջներին հաջողվում է կրակը հսկողության տակ առնել եւ մարել։
Հիվանդանոցի այրվող մասնաշենքից հիվանդները եւ բուժանձնակազմն արագ տեղափոխվել են անվտանգ տարածք։