Հունվարի 10-ի ճեպազրույցի ընթացքում, ԱՄՆ Պետքարտուղարի օգնական Ֆիլիպ Քրոուլին ասել է. “Մի քանի օր շարունակ լուրեր էին պտտվում, մի ԱՄՆ քաղաքացու մասին, ով գտնվում էր Իրանում և այդ երկրին հարակից տարածքներում: Ես կարող եմ ձեզ հայտնել, որ Թուրքիայում ԱՄՆ հյուպատոսության աշխատակիցները կապի մեջ են եղել վերոնշյալ անձնավորության հետ, և կարող ենք հայտնել, որ նա ապահով է: Մենք առաջարկել ենք հյուպատոսական օգնություն”:Քրոուլին չի նշել ամերիկուհու անունը, ինչպես նաև հրաժարվել է հստակ պատասխանել` արդյոք ԱՄՆ քաղաքացին գտնվում է Իրանում թե Թուրքիայում, սակայն նշել է, թե իրենք ամերիկուհու հետ կապի մեջ են եղել Թուրքիայում: Քրոուլին հայտնել է, որ նրան ոչինչ չի սպառնում, և նա ոչինչ չի խնդրել իրենցից:
Քրոուլին նշել է, որ տվյալ անձնավորությունը, եթե ցանկանա, կարող է պատմել, թե իրականում ինչ է կատարվել, արդյոք նա հատել է Իրանի սահմանը: Նա նաև նշել է, որ տվյալ անձնավորությունը Իրանում չէ:
Tehran Time
Yerevan Time
No comments:
Post a Comment