Ադրբեջանը ձեռք է բերել զենք և տրենաժորներ դիպուկահարներ պատրաստելու նպատակով

Tert.am. 19-1-2011- Դիպուկահարներ պատրաստելու համար Ադրբեջանը ձեռք է բերել ռուսական տրենաժորներ և զենք, ադրբեջանական լրատվամիջոցներին հայտնել է Ադրբեջանի կամավոր ռազմահայրենասիրական սպորտային-տեխնիկական միության խորհուրդի նախագահ Նովրուզալի Օրուջովը։
Ըստ նրա՝ ռազմակրթական համակարգն արդեն հասցվել է Ադրբեջան։
«Այնուհետև կընթանան դիպուկահար զենքի օգտագործման դասընթացներ։ Հրաձգարանում մարտական պրակտիկ զենքի թվում կօգտագործվեն СВД-7 տիպի դիպուկահար զենք և Կալաշնիկովի ավտոմատ։ Կրակոցները կգնահատվեն էլեկտրոնային տարբերակով»,–ասել է Օրուջովը և հավելել, որ դասընթացները կմեկնարկեն ընթացիկ տարվա մայիսին։