Էրդողանն այսուհետ կկրի հայ ոսկերչի պատրաստած ճարմանդները

Tert.am. 17-1-2011- Երեկ Ստամբուլի քաղաքապետարանում թուրքական կառավարությունում հավատարմագրված լրագրողների կազմակերպած ցուցահանդեսում ներկայացվել են Թուրքիայի վարչապետ Ռեջեփ Թայիփ Էրդողանի լուսանկարները։

Թուրքական Anadolu գործակալության փոխանցմամբ՝ ցուցահանդեսի բացումն անձամբ կատարել է Էրդողանը, ով նույնիսկ զարմացել է՝ տեսնելով իրեն պատկերող որոշ լուսանկարներ։
Ցուցահանդեսում ներկայացված են Էրդողանի այն լուսանկարները, որոնք թուրքական կառավարության ֆոտոլրագրողները ֆիքսել են թուրք վարչապետի ստամբուլյան հանդիպումների ժամանակ։ 44 լուսանկարները մինչև այժմ չէին ներկայացվել հանրությանը։
Հանդիպման ավարտին լրագրողները լուսանկարվել են Էրդողանի հետ և նրան նվիրել ազգությամբ հայ ոսկերիչ Վիկտոր Օջալի՝ հատուկ Էրդողանի համար պատրաստած ճարմանդները։