Panorama.am. 22-2-2011- Միացյալ Նահանգների թուրքական երկու խոշոր կազմակերպություններ «TADF»-ը (Թուրք-ամերիկյան միությունների ֆեդերացիան) և «ATAA»-ն (Թուրք-ամերիկյան միությունների ասամբլեան) մարտի 17-19-ը Վաշինգտոնում կազմակերպելու են այսպես կոչված` ազգային առաջնորդության կոնֆերանս, որը նպատակ է ունենալու ԱՄՆ-ում բնակվող թուրք երիտասարդներին արդյունավետորեն ակտիվացնել լոբբիստական գործունեության մեջ:Ըստ թուրքական «Anka» լրատվականի` որոշում է կայացվել, որ իշյալ երկու կազմակերպություններն ԱՄՆ-ում Թուրքիայի դեսպան Նամըք Թանի ղեկավարության ներքո համատեղելու են իրենց ջանքերն ու լծակները` հանդես գալու հատկապես Հայոց ցեղասպանության ճանաչման հարցում հայերի ձեռնարկած քայլերի դեմ:
Թուրք դեսպանի աջակցությամբ կազմակերպվելիք այդ կոնֆերանսին ներկա են գտնվելու Թուրքիա-ԱՄՆ բարեկամության խորհրդարանական խմբի նախագահ Սուաթ Քընըքլըօղլուն, ԱՄՆ կոնգրեսի նույնանուն խորհրդարանակն խմբի համանախագահ Վիրջինիա Ֆոքսը, բազմաթիվ կոնգրեսականներ և այլք: Մասնակցության հրավեր են ստացել նաև Թուրքիայի արտգործնախարար Ահմեթ Դավութօղլուն և եվրաանդամակցության հարցերով Թուրքիայի գլխավոր բանագնաց Էգեմեն Բաղըշը:
Tehran Time
Yerevan Time
No comments:
Post a Comment