Ադրբեջանում իշխանափոխություն է սպասվում` թունիսյան և եգիպտական հեղափոխությունների սցենարով, - գրում է Bloomberg պարբերականը: «Ադրբեջանի քաղաքական ընդդիմությունը սցենարի կրկնման ուղիներ է փնտրում, որը իշխանությունից զրկեց Եգիպտոսի և Թունիսի ավտորիտար ղեկավարներին: 2003 թ. Ադրբեջանի նախագահի աթոռն իր հորից ժառանգած Իլհամ Ալիևը նույնպես կարժանանա Խոսնի Մուբարակի ճակատագրին, եթե չեղյալ չհայտարարի նոյեմբերին Ադրբեջանում անցկացված խորհրդարանական ընտրությունները», - գրում է պարբերականը` հիշեցնելով, որ ընտրությունների արդյունքում 125 տեղից 124-ը զբաղեցրել են Ալիև կրտսերի կողմնակիցները: «Արդեն 40 տարի Ալիևների ընտանիքը կարևոր դեր է խաղում Ադրբեջանի քաղաքական էլիտայում, որից 18 տարին հայր և որդի Ալիևները հերթով զբաղեցրել են պետության նախագահի պաշտոնը: Այդ ժամանակահատվածում իշխող էլիտայի և Ադրբեջանի մնացած բնակչության միջև ուժեղ սոցիալական բևեռացումը կարող է հանգեցնել Եգիպտոսում սկիզբ առած դժգոհության պայթյունի` հատկապես, եթե հաշվի առնենք, որ Ադրբեջանն առավել կոռումպացված է, քան Թունիսն ու Եգիպտոսը», - ընդգծում է Bloomberg-ը: Transparency International ընկերության գնահատմամբ, 178 առավել կոռումպացված երկրների շարքում Ադրբեջանը 134-րդ տեղում է, այնինչ` Թունիսն ու Եգիպտոսը, համապատասխանաբար, 59-րդ և 98-րդ տեղերում են:
Tehran Time
Yerevan Time
No comments:
Post a Comment