Թուրքիայի հետախուզության ծառայության աշխատակիցը ձերբակալվել է «Էրգենեկոն»-ի գործի շրջանակներում

News.am. 11-3-2011- Թուրքիայի ազգային հետախուզության (MIT) արտաքին օպերացիաների բաժնի ղեկավար Քաշըֆ Քոզինօղլուն արտասահմանյան գործուղումից վերադարձել է: Նա ներկայացել է դատարան եւ ձերբակալվել:

Թուրքական Zaman-ի փոխանցմամբ` MIT-ի աշխատակիցը «Էրգենեկոն»-ի գործի շրջանակներում հարցաքննվել է դատախազ Զեքերյա Օզի կողմից, այնուհետ տեղափոխվել հարցաքննության Ստամբուլի ծանր հանցագործությունների գծով 14-րդ դատարան, որտեղ է նրան կալանավորելու որոշում է կայացվել: Քաշըֆ Քոզինօղլուն տեղափոխվել է Մետրիսի բանտ:
Նշենք, որ թուրքական մամուլում տեղեկություններ էին հայտնվել, որ Քաշըֆ Քոզինօղլուն հրամայել է հետեւել MIT-ի ղեկավար Հաքան Ֆիդանին` մանրամասն տեղեկություններ հավաքելով նրա հետ հանդիպած անձանց, նրա բարեկամների եւ մտերիմների մասին: Քոզինօղլուի հանձնարարությամբ, տեղեկություններ են հավաքվել նաեւ Թուրքիայի իշխող կուսակցության կրոնական հենք հանդիսացող եւ ԱՄՆ-ում ապրող Ֆեթհուլահ Գյուլենի եւ նրա հետ ապրող եւս 2 անձի մասին: Քոզինօղլուն այս տեղեկությունները դոսյեի տեսքով հանձնել է 2 շաբաթ առաջ ձերբակալված ընդդիմադիր Oda TV-ի գլխավոր խմբագիր Սոներ Յալչընին: