“Քննությունը չի ավարտվել շատ պարզ պատճառով: Որովհետեւ բոլոր մեղավորները դեռեւս չեն հայտնաբերվել: Թե ինչու չեն հայտնաբերվել, սա բավական մեծ եւ հիմքային պատճառներ ունի, կարծում եմ շատերի համար նաեւ հասկանալի: Ինչ վերաբերում է մեր մասնագետների մասնագիտական պատրաստվածությանը, ապա ինչպես բոլոր երկրներում, Հայաստանում եւս կան եւ լավ մասնագետներ, եւ միջակ մասնագետներ, եւ վատ մասնագետներ: Մենք այս գործում ներգրավել ենք մեր լավագույն մասնագետներին, եւ շատ աշխատանք է կատարվել”, ասել է Սերժ Սարգսյանը:
Նա նշել է, որ դիմել են փորձագիտական օգնության համար բոլոր երկրներին, եւ մարդու իրավունքի հանձնակատար Համմարբերգը միակն է եղել, ըստ Սերժ Սարգսյանի, որ այդ հարցում օգնություն է ցուցաբերել փորձագետով:
Սերժ Սարգսյանը հիշեցրել է, որ վերջերս հանձնարարություն է տվել քննչական մարմիններին “ավելի հանգամանորեն, ավելի սկզբունքային եւ ավելի մանրակրկիտ անդրադառնան այս գործին”: “Եվ հուսով եմ, որ քննչական խումբն իր բոլոր հնարավորությունները կօգտագործի բոլոր հանցագործությունները բացահայտելու համար”, հայտարարել է Սերժ Սարգսյանը:
Tehran Time
Yerevan Time
No comments:
Post a Comment