Tert.am. 22-8-2011- Թուրքիայի ժողովրդավարական կուսակցության (Demokrat Parti /DP/) առաջնորդ Նամըք Քեմալ Զեյբեքն ուշագրավ հայտարարությամբ է հանդես եկել. նա ասել է, թե Թուրքիայում արգելված Քրդական աշխատավորական կուսակցության (PKK) զինյալները քրդեր չեն, իսկ այդ կուսակցությունը հայեր են ղեկավարում։ «PKK–ի ղեկավարների մեջ կան ոչ քուրդ և ոչ թուրք մի շարք անձինք, դրանք հայերն են։ Մեր իմացած հայերը զինյալներ են PKK–ի շարքերում։ Քրդական աշիրեթները (ցեղերը) երկար ժամանակ զիջումներ չեն արել PKK–ին, աշիրեթները դեռևս PKK–ի անդամներ չեն։ PKK–ի գործունեությամբ զբաղվողներն ավելի շատ այստեղից–այնտեղից են եկել։ Խոսքը Ադրբեջանից, Իրանից Ռուաստանից եկածների մասին է։ Այսինքն աշիրեթներում չընդգրկվածներն են կազմում PKK–ի ուժը»,– հայտարարել է Զեյբեքը։Ինչպես հաղորդում է Akunq.net կայքը՝ վկայակոչելով «Ջումհյուրիեթ» պարբերականը՝ Զեյբեքը նաև ասել է, որ իր համար տարօրինակ է, որ Թուրքիայի բնակչության 20 տոկոսը քուրդ է, այնինչ PKK–ի կուսակցությունը ընտրություններում բնակչության 5 տոկոսի ձայն է ստացել։ «Այդժամ PKK –ն ինչպե՞ս կարող է քրդերի ներկայացուցիչը լինել: Կամ այդքան քուրդ չկա, կամ էլ ասվածն իրականությանը չի համապատասխանում»,– ասել է Զեյբեքը և հավելել, որ դա ցույց է տալիս, որ Թուրքիայում քրդական խնդիր չկա:
Զեյբեքը ընդգծել է, որ քրդական արմատներ ունեցող քաղաքացիների առջև բաց են բոլոր դռները, իսկ լուրջ խտրականություն Թուրքիայում կիրառվում է ալավիների (իսլամի շիա ուղղության ճյուղերից մեկի հետևորդներ, անվանումն առաջացել է Ալի խալիֆայի անունից: Ալավիները հիմնականում բնակվում են Սիրիայում և Հարավային Թուրքիայում։ Ալավիականությունն իր մեջ շիիզմի, քրիստոնեության և նախաքրիստոնեական հավատալիքների տարրեր է պարունակում)։
«Ալավի լինելու պատճառով որևէ մեկը չի կարող շատ վայրեր մուտք գործել: Ալավիներ նկատմամբ շատ լուրջ խտրականություններ են կիրառվում: Ներկայում Թուրքիայում ոչ մի ալաուի նահանգապետ չկա: Եթե ասեմ, որ 81 նահանգապետից 25-ը քուրդ է, ապա դա հնարավոր կլինի հաստատել: Թուրքիայում առկա է ալավիական և ոչ թե քրդական խնդիր»,–նշել է կուսակցության առաջնորդը։
Tehran Time
Yerevan Time
No comments:
Post a Comment