News.am. 11-9-2011- Հայաստանի նախագահ Սերժ Սարգսյանն այսօր` սեպտեմբերի 10-ին Ծաղկաձորում հանդիպում է ունեցել Հայ մարմնակրթական ընդհանուր միության (ՀՄԸՄ) պատվիրակության հետ: ՀՄԸՄ-ն Հայաստանում այս օրերին անցկացրել է իր բարձրագույն՝ պատգամավորական ընդհանուր ժողովը, որին մասնակցել է աշխարհի 20 երկրներում գործող ավելի քան 100 մասնաճյուղերից շուրջ 110 պատգամավոր:Նախագահի մամուլի գրասենյակից NEWS.am-ին հայտնում են, որ պատվիրակության անդամների հետ նախագահը խոսել է Միության գործունեության եւ առաջիկա ծրագրերի մասին, պատասխանել նրանց հետաքրքրող հարցերին: Սերժ Սարգսյանն ընդգծել է, որ Հայաստանը սփյուռքում գործող հայկական կազմակերպությունների կողքին է ու ամեն ինչ անելու է հայրենիքի հետ կապն ավելի ամրապնդելու, համահայկական բոլոր միջոցառումներն աստիճանաբար Հայաստան տեղափոխելու եւ դրանք ավելի մասսայական դարձնելու համար: Նախագահի խոսքով, որքան շատ հաջողություններ ունենա Հայաստանը, այնքան սփյուռքն ուժեղ կլինի: Հանրապետության ղեկավարը կարեւորել է հատկապես հայրենիքի շուրջ համախմբված, հայաստանակենտրոն սփյուռքի գործունեությունը:
Սերժ Սարգսյանը հաջողություններ է մաղթել Հայ մարմնակրթական ընդհանուր միությանը՝ ընդգծելով նրա դերը հայրենիք-սփյուռք կապերն ամրապնդելու, հայապահպանությանն օժանդակելու, աշխարհի տարբեր ծայրերում ապրող հայ երիտասարդներին հայեցի դաստիարակելու գործում:
Tehran Time
Yerevan Time
No comments:
Post a Comment