News.am. 28-9-2011- Ռուսաստանի ներկայությունն Ադրբեջանում բարենպաստ ազդեցություն կունենա ողջ տարածաշրջանի իրավիճակի վրա: Այս մասին, «ՌԻԱ նովոստիին» տված հարցազրույցում նշել է Հայաստանի պաշտպանության նախարարի առաջին տեղակալ Դավիթ Տոնոյանը, պատասխանելով հարցին, թե Հայաստանի ՊՆ-ում հետեւո՞ւմ են Ադրբեջանի Գաբալայի ռադիոլոկացիոն կայանի շուրջ ստեղծված իրավիճակին, որը վարձակալում է Ռուսաստանը:«Իմ կարծիքով, Ռուսաստանի ներկայությունն Ադրբեջանում բարենպաստ ազդեցություն կունենա ողջ տարածաշրջանի իրավիճակի վրա: Այդ տեսանկյունից, Գաբալայի շուրջ ստեղծված իրավիճակը մեզ համար կարեւոր է: Եթե տեսականորեն ենթադրենք, որ ռուսներն այնտեղից հեռանան, դրանից ոչ ոք չի շահի: Ավելին, ես կարծում եմ, որ Գաբալայի ՌԼԿ-ն, որոշ աստիճանով ավելի խոցելի կդառնա»,- նշել է Տոնոյանը:
Նշենք, որ ԽՍՀՄ փլուզումից հետո Գաբալայի ռադիոլոկացիոն կայանը փոխանցվել է Ադրբեջանին, որը 2002 թվականին տարեկան 14 մլն դոլար վարձավճարով վարձակալությամբ տվել է Ռուսաստանին մինչեւ 2012 թվականը:
Tehran Time
Yerevan Time
No comments:
Post a Comment