Tert.am. 14-10-2011- «ԵԱՀԿ Խորհրդարանական վեհաժողովում Ադրբեջանի պատվիրակությունը հանդես է եկել Լեռնային Ղարաբաղի ադրբեջանական և հայկական համայնքների միջև հանդիպում անցկացնելու առաջարկով»,– հաղորդում է ադրբեջանական Apa.az կայքը՝ վկայակոչելով ԵԱՀԿ ԽՎ–ում ադրբեջանական պատվիրակության ղեկավար Բահար Մուրադովային։Մուրադովան ընդգծել է, որ «դա անհրաժեշտ է՝ կողմերի միջև վստահություն հաստատելու համար» և հավելել, որ ԵԱՀԿ ԽՎ–ի ղեկավարությունն ու ԵԱՀԿ Մինսկի խմբի համանախագները պաշտպանում են այդ առաջարկը։ «Կարծում եմ, որ քանի որ ԼՂ–ում ապրող հայերը Ադրբեջանի քաղաքացիներ են համարվում, հանդիպումը կարող է Բաքվում տեղի ունենալ։ Բայց հնարավոր է հանդիպում անցկացնել նաև Վիեննայում։ Սա ուղղակի առաջարկ է»,– ասել է Մուրադովան։
Tehran Time
Yerevan Time
No comments:
Post a Comment