Ադրբեջանի խորհրդարանում բարձրացվել է Ուրմիա լճի հարցը

Tert.am. 30-9-2011- Ադրբեջանի խորհրդարանում բարձրացվել է Իրանի Ուրմիա լճի հետ կապված խնդիրները։

Ինչպես տեղեկացնում է 1news.az–ը, ադրբեջանցի պատգամավոր Գանիրա Փաշաևան կոչ է արել Իրանի խորհրդարանին ուշադրություն հրավիրել իրանաբնակ ադրբեջանցիների էկոլոգիական և սոցիալական խնդիրներին։
Անդրադառնալով Ուրիմիա լճի խնդիրներին՝ Փաշաևան ընդգծել է, որ ադրբեջանցիները մտահոգված են այդ լճի ճակատագրով, քանի որ դրա ցամաքումը լուրջ խնդիրներ է առաջացնում հատկապես իրանաբնակ ադրբեջանցիների համար։