Անկարան սիրիացի բարձրաստիճան զինվորականին փոխանակել է քուրդ զինյալների հետ

Tert.am. 11-11-2011- Անկարան Դամասկոսին է հանձնել սիրացի բարձրաստիճան զինվորականին, որն ամիսներ առաջ փախել էր Սիրիայից և ապաստան խնդրել Թուրքիայի իշխանություններից։ Այս մասին, ինչպես տեղեկացնում է CNNTurk–ը, հայտարարել են իրավապաշտպան կազմակերպությունների ներկայացուցիչները։
Իրավապաշտպանները պնդում են, որ բարձրաստիճան զինվորական Հուսեյն ալ–Հարմուշի դիմաց Դամասկոսը Թուրքիային է հանձնել Քրդստանի բանվորական կուսակցության (PKK) 9 զինյալների։
Սիրիական բանակի սպան Թուրքիա էր փախել ընթացիկ տարվա հունիսին։ Ավելի վաղ բարձրաստիճան զինվորականի հարազատները «Ալ Ջազիրա» հեռուստաալիքն ասել էին, որ Հուսեյն ալ–Հարմուշի փախուստի պատճառով Սիրիայի նախագահ Բաշար ալ–Ասադի կողմնակիցները սպանել են իրենց ընտանիքի 14 անդամների։