Թուրքիայի խորհրդարանում վերացվեց Ֆրանսիայի հետ բարեկամության խումբը

News.am. 23-12-2011- Ֆրանսիայի Ազգային ժողովի կողմից Հայոց ցեղասպանության ժխտումը քրեականացնող օրինագծի ընդունումից հետո Թուրքիայի խորհրդարանի նախագահ Ջեմիլ Չիչեքը հայտարարել է, թե Ֆրանսիայի հետ բարեկամության խմբի բոլոր անդամները դուրս են եկել խմբից։
Թուրքական Zaman-ի փոխանցմամբ՝ Ջեմիլ Չիչեքը նշել է, թե Ֆրանսիայի նման կեցվածքի պայմաններում բարեկամության խմբի գոյությունն անիմաստ է դարձել։ Նա հույս է հայտնել, թե Ֆրանսիայի ազգային ժողովի ընդունած որոշման դեմը Սենատում կառնեն եւ այդ գործընթացը կանգ կառնի։
Նշենք, որ Ֆրանսիայի Ազգային Ժողովը դեկտեմբերի 22-ի նիստում, ընդունեց Հայոց ցեղասպանության ժխտումը քրեականացնող օրինագիծը: Օրենքը, ցեղասպանության փաստն ժխտելու դեպքում, նախատեսում է 1 տարվա ազատազրկում եւ 45 հազար եվրո տուգանք: