Սոչիի հայերը Պետդումային կոչ են անում քրեականացնել Հայոց Ցեղասպանության ժխտումը

Tert.am. 11-1-2012- «Սոչիի հայերի միություն» հասարակական կազմակերպությունը պատրաստվում է դիմել Ռուսաստանի Պետդումայի պատգմավորներին՝ կոչ անելով հետևել Ֆրանսիայի օրինակին և ընդունել Հայոց Ցեղասպանության ժխտումը քրեականացնող օրինագիծ։ Ըստ «Երկրամաս» պարբերականի՝ կազմակերպությունն արդեն ստորագրահավաք է սկսել է այդ նպատակով։ Ռուս պատգամավորներին հղած ուղերձում Սոչիի հայ համայնքը կոչ է անում դատապարտել 1915-22թթ. Օսմանյան Կայսրության կողմից իրագործված Հայոց Ցեղասպանությունը։ Հայ համայնքը նաև ՌԴ խորհրդարանին կոչ է անում ապրիլի 24-ը հայտարարել որպես ցեղասպանությանը զոհ գնացածների հիշատակի օր։ Հիշեցնենք, որ 2011թ. դեկտեմբերի 8-ին Ֆրանսիայի Սենատն ընդունեց օրինագիծ, որն օրենքի ուժ ստանալու դեպքում նախատեսում է մինչև մեկ տարվա ազատազրկում և 45,000 եվրո տուգանք Ֆրանսիայի բոլոր այն քաղաքացիների համար, ովքեր կժխտեն Հայոց Ցեղասպանության փաստը։