Բաց նամակ ՀՀ նախագահ Սերժ Սարգսյանին
Հարգելի պարոն նախագահ, Դիմում ենք Ձեզ, ոչ միայն որպես ՀՀ նախագահի, այլ նաև մեր մարտական ընկերոջ: Գաղտնիք չէ, որ Հայաստանի իշխանությունների ազդեցությունը վճռորոշ դեր է խաղում Արցախի նախագահի ընտրություններում: Արցախցի ընտրողը ավանդապես հաշվի է առնում պաշտոնական Երևանի դիրքորոշումը: 2007թ. ընտրություններին Դուք անձամբ աջակցել եք Բակո Սահակյանին, ինչն էլ կարևոր դեր է խաղացել վերջինիս նախագահ ընտրվելու գործում: Մեզնից շատերը վստահել են Ձեզ ու Ձեր թեկնածուին` ունենալով առաջընթացի սպասումներ: Սակայն անցած հինգ տարիները ցույց տվեցին, որ Բակո Սահակյանը չի արդարացրել մեր սպասումները և շեղվել է իր իսկ նախընտրական ծրագրի դրույթներից: Արդյունքում տեղի է ունեցել կոռուպցիայի կենտրոնացում և կոռումպացվածության ծավալների մեծացում, տնտեսության մեջ` մենաշնորհների հաստատում, հարկային ճնշումների ուժեղացում, ժողովրդին վախեցնելու նպատակով անվտանգության մարմինների օգտագործում: Նման մթնոլորտն առաջացրել է հոռետեսություն, հիասթափություն` դրդելով հասարակության ակտիվ մասին, այդ թվում գործարարների, հեռանալ երկրից: Այս ամենի պատասախանատվությունը կիսում եք նաև Դուք, քանզի Բակո Սահակյանը պաշտոնավարման ընթացքում մշտապես ստացել է Ձեր աջակցությունը: Գալիք նախագահական ընտրություններում ակնկալում ենք, որ Դուք կօգտագործեք Ձեր ազդեցությունը Արցախի իշխանությունների վրա` հեռու պահելով նրանց վարչական ռեսուրսների օգտագործումից, այլ անօրինական գործունեությունից: Իշխանությունների` օրենքից դուրս քայլերը մեծ վտանգ են ներկայացնում երկրի ներքին կայունության համար: Հարգանքներով` Արցախյան պատերազմի մասնակիցներ Ավելի քան 100 ստորագրություն ԼՂՀ տարբեր շրջաններից Ստորագրահավաքը շարունակվում է
Tehran Time
Yerevan Time
No comments:
Post a Comment