Բեռլինի համալսարանի պատին տեղադրվելու է Կոմիտասին նվիրված հուշատախտակ. հայտարարվում է մրցույթ

Panorama.am. 8-7-2012- Հայաստանի մշակույթի նախարարությունը հայտարարում է Կոմիտասին նվիրված հուշատախտակի ձևավորման և պատրաստման մրցույթ` Բեռլինի համալսարանի պատին տեղադրելու համար: Այս մասին Panorama.am-ին հայտնեցին մշակույթի նախարարությունից: Էսքիզները պետք է ներկայացնել մինչև հուլիսի 19-ը: Հուշատախտակի պատրաստման պատվերը կտրվի հաղթող ճանաչված էսքիզի հեղինակին: Հուշատախտակի նյութը պետք է լինի բրոնզ, չափսը` 40 x 70 սմ: Նշենք, որ Կոմիտասը Բեռլինում սովորել է «Կայզեր Ֆրիդրիխ Վիլհելմ» համալսարանում: