Monday, July 9, 2012

ԵԱՀԿ գլխավոր քարտուղարը Երևանում կլինի հուլիսի 11-ին և 12-ին

Panorama.am. 9-7-2012- ԵԱՀԿ գլխավոր քարտուղար Լամբերտո Զանյեն կայցելի Ադրբեջան, Վրաստան և Հայաստան մյուս շաբաթ, որտեղ հանդիպումներ կունենա պետության ղեկավարների, քաղաքական կուսակցությունների և քաղաքացիական հասարակության ներկայացուցիչների հետ: ԵԱՀԿ երևանյան գրասենյակի հաղորդմամբ, Զանյեն հանդիպումներ կունենա Բաքվում հուլիսի 8-ին և 9-ին, Թբիլիսիում և Բաթումիում հուլիսի 10-ին և 11-ին և Երևանում հուլիսի 11-ին և 12-ին: Այցի ընթացքում Գլխավոր քարտուղարը բարձրաստիճան պաշտոնյաների` այդ թվում պետությունների արտաքին գործերի նախարարների հետ կքննարկի համագործակցությունը ռազմաքաղաքական, տնտեսական և բնապահպանական, ինչպես նաև մարդկային ուղղություններով: Գլխավոր քարտուղարը մամլո ասուլիսներ կունենա Բաքվում, Թբիլիսիում և Երևանում:

No comments: