Օլանդը չի արձագանքել ֆրանսիացի պատմաբանի` Հայոց ցեղասպանության ժխտումը քրեականացնող օրինագծից հրաժարվելու կոչին

News.am. 14-7-2012- Ֆրանսիայի նախագահ Ֆրանսուա Օլանդը հուլիսի 6 –ին Ելիսեյան պալատում ճաշ է ունեցել ութ պատմաբանների` Քոլետ Բոնի, Միշել Պերոյի, Միշել Ուինոկոմի, Բենջամին Սթորի, Ժան Ֆրանսուա Սիրինելիի, Ժան Նոել Ժանենի, Պասկալ Օրի եւ Պիեռ Նորայի հետ: Այս մասին տեղեկացնում է «Nouvelles d`Arménie»-ին` վկայակոչելով «L’Express» պարբերականին: Համաձայն պարբերականի, պատմաբան Պիեռ Նորան, որը հայտնի է Հայոց ցեղասպանության վերաբերյալ մերժողոկան կեցվածքով, «փորձել է պետության ղեկավարին համոզել ետ կանգնել իր դիրքորոշումից, սակայն անարդյունք. երեք օր անց նախագահը ցույց տվեց, որ չի հրաժարվել Հայոց ցեղասպանության ժխտումը քրեականացնելու նախաձեռնությունից»: