Ադրբեջանը Ռուսաստանից հերթական Ми-35М տիպի ուղղաթիռներն է ստացել

Tert.am. 10-8-2012- Ադրբեջանը ստացել է Ռուսաստանից գնած Ми-35М ռազմական ուղղաթիռների հերթական խմբաքանակը: Այսպիսով Դոնի Ռոստով քաղաքի «Росвертол» գործարանի արտադրության 24 ուղղաթիռների կեսն արդեն հասցվել է Ադրբեջան: Ինչպես տեղեկացնում է «ԱՊԱ» գործակալությունը, ուղղաթիռները նախատեսված են զրահատեխնիկա ոչնչացնելու, ցամաքային զորքերին կրակային աջակցություն ցուցաբերելու, վիրավորների տարհանելու, ինչպես նաև բեռնափոխադրումների համար: Եվս մի քանի ուղղաթիռ Ադրբեջան կառաքվեն մոտ ապագայում: Հիշեցնենք, որ 24 ուղղաթիռներ ձեռք բերելու մասին համաձայնագիրը ստորագրվել էր 2010 թ-ին: 2011 թ-ի դեկտեմբերին Ադրբեջանը ստացել էր այդ ուղղաթիռների առաջին խմբաքանակը` 4 ուղղաթիռ: Ми-35М ուղղաթիռների ձեռքբերման պայմանագրի արժեքը ընդհանուր արժեքը կազմում է 360 մլն դոլար :