Ին՞չ է Բաքուն ուզում Մոսկվայից

Zham.am. 10-8-2012- Ադրբեջանի նախագահի աշխատակազմի արտաքին կապերի բաժնի ղեկավար

Նովրուզ Մամեդովը անդրադարձել է Գաբալայի ռադիոլոկացիոն կայանի վարձակալության ժամկետի երկարաձգմանը Ռուսաստանի ցանկությանը: Մամեդովն ասել է, որ Մոսկվան դեմ չէ երկարաձգմանը, սակայն Ռուսաստանը պետք է իր ցանկությունը համաձայնեցնի իրական իրավիճակին ու տարածաշրջանում առկա զարգացումներին: Ըստ Վզգլյադի`Մամեդովը նկատել է, թե կայանի տարածքը մեծ հեռանկարներ ունի գյուղատնտեսության, տուրիզմի զարգացման և այլ տեսանկյուններից: Իսկ բանակցություններին անդրադառնալով`պնդել է, թե պետք է խուսափել ավելորդ եռուզեռից և բանակցությունների ցանկացած արդյունք ողբերգություն չդարձնել: Հիշեցնենք, որ Ադրբեջանը պահանջում է Ռուսաստանին 6 մլն-ի փոխարեն 300 մլն վճարել կայանի վարձակալման համար: