«Հայերը Օբամայի համար» կազմակերպությունը դրականորեն է արձագանքել Միացյալ Նահանգների նախագահական դեմոկրատ թեկնածու Բարաք Օբամայի կողմից, ընտրվելու դեպքում, սենատոր Ջոզեֆ Բայդընի թեկնածությունը փոխնախագահի պաշտոնին առաջադրելու մասին հայտարարությանը:
Կազմակերպությունը հաղորդագրություն է տարածել, որում ասվում է. «Սենատոր Բայդընը հայանպաստ դիրքորոշումների անցյալ ունեցող քաղաքական գործիչ է, որը լրացուցիչ դեր է կատարելու Հայոց ցեղասպանությունը ճանաչելու եւ Լեռնային Ղարաբաղի հակամարտությունը ազգերի ինքնորոշման իրավունքի սկզբունքով լուծելու նախագահական թեկնածու Օբամայի զորավոր հանձնառության ուղղությամբ: Հիշյալ երկու ղեկավարները նաեւ կկարողանան ղեկավարել Ամերիկայի Միացյալ Նահանգների ներքին եւ արտաքին քաղաքականությունը` անհրաժեշտ բարեփոխումներ իրագործելով երկրի տարածքով մեկ»:«Հայերը Օբամայի համար» կազմակերպության նախագահ Արին Իպրանոսյանն իր հերթին նշել է, որ իրենք մեծապես խանդավառ են` սենատոր Բայդընին որպես փոխնախագահի թեկնածու Օբամայի կողքին տեսնելով: «Հայանպաստ կեցվածքների նույնանման անցյալ ունեցող երկու թեկնածուների միացյալ ընտրարշավը մենք խիստ դրական ենք նկատում եւ այս իրողութիւնը համարում ենք յուրահատուկ հնարավորություն մեր համայնքի համար»,- ասել է Իպրանոսյանը:
Subscribe to:
Post Comments (Atom)
Tehran Time
Yerevan Time
No comments:
Post a Comment