Թուրքիան պարտավոր է ճանաչել հայոց ցեղասպանությունը. Հայաստանի վարչապետ

HayInfo- 16-10-2009- Հայաստանում առաջնային խնդիր է Հայոց ցեղասպանության փաստի ճանաչման անհրաժեշտությունն ինչպես աշխարհի տարբերի երկրների, այնպես էլ Թուրքիայի կողմից, ասաց Հայաստանի վարչապետ Տիգրան Սարգսյանը։ Այդ մասին հաղորդում է “Նովոստի-Արմենիան“: «Մեր նպատակը բարոյահոգեբանական և մշակութաբանական հարթությունում արդարության հասնելն է»,- ասաց նա մի շարք հայկական հեռուստաալիքներին տված հարցազրույցում։ Սարգսյանի խոսքերով, Հայաստանի և Թուրքիայի հարաբերությունները պայմանավորված են ոչ միայն սահմանի բացումով, այլ դրանք ավելի բարդ հարաբերություններ են։ «Առաջին հերթին, դրանք բարոյահոգեբանական և մշակութաբանական հարաբերություններն են, ընդ որում՝ այդ ոլորտում բարդություններ ունենք ինչպես մենք՝ հայերս, այնպես էլ թուրքերը»,- ընդգծեց նա։ Միաժամանակ վարչապետն ընդգծեց, որ դա պահամանվորված է մի շարք օբյեկտիվ պատճառներով և, առաջին հերթին, Ցեղասպանության գործոնով։ «Շատ դժվար է դուրս գալ այս հարթության սահմաններից, երբ խոսքը հայ-թուրքական հարաբերությունների մասին է։ Եվ այս բեռը մենք բոլորս զգում և տանում ենք մեզ վրա։ Բնականաբար, Թուրքիայի կողմից այս փաստի հերքումը բարդություններ է ստեղծում հայ-թուրքական հարաբերությունների բարելավման հարցում»,- նշեց կառավարության ղեկավարը։ Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն հայ։ Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորhուրդը, Կանադայի խորհրդարանի համայնքների պալատը և Լեհաստանի սեյմը։