Tert.am. 6-1-2009- Շախմատի Հայաստանի հավաքականը Աշխարհի թիմային առաջնության մեկնարկային տուրում 1,5:2,5 հաշվով զիջեց Եվրոպայի չեմպիոն Ադրբեջանի հավաքականին: Հայաստանը նախորդ տարիներին բավական հաջող էր հանդես եկել ադրբեջանցիների հետ հանդիպումներում, սակայն այս անգամ չկարողացավ շարունակել հաղթանակների շարքը: Մրցամարտի ելքը վճռվեց Մամեդյարով-Փաշիկյան պարտիայում, որտեղ հաջողության հասան սպիտակները:
Այս մրցավեճից առաջ ադրբեջանցիները նոր մարտավարություն էին մշակել: Առաջին խաղատախտակի վրա ելույթ ունեցավ Վուղար Հաշիմովը, իսկ ահա Ռաջաբովը և Մամեդյարովը տեղափոխվել էին համապատասխանաբար 2-րդ և 3-րդ խաղատախտակներ: Հայաստանի հավաքականում նման տեղափոխություններ չկային. Արոնյանը կրկին առաջինն էր, իսկ Վլադիմիր Հակոբյանը` 2-րդը: 4 պարտիաներից 3-ում խաղաղ ելք գրանցվեց, իսկ ահա 3-րդ խաղատախտակի վրա Արման Փաշիկյանը սևերով զիջեց Շաքիրյար Մամեդյարովին:
Մյուս հանդիպումներում գրանցվեցին այսպիսի արդյունքներ.
Ռուսաստան-Բրազիլիա` 2.5:1.5
Թուրքիա-ԱՄՆ` 1:3
Հնդկաստան-Հունաստան` 2.5:1.5
Եգիպտոս-Իսրայել` 1:3
Thursday, January 7, 2010
Subscribe to:
Post Comments (Atom)
No comments:
Post a Comment