Գորան Լենմարկեր. Ղարաբաղյան հակամարտությունը պետք է կարգավորվի այս տարի

News.am. 15-3-2010- Ղարաբաղյան հակամարտությունը պետք է կարգավորվի այս տարի: Այդ մասին երկուշաբթի Բաքվում հայտարարել է ԵԱՀԿ ԽՎ հատուկ ներկայացուցիչ Գորան Լենմարկերը: Նրա խոսքով, հակամարտությունն արդեն երկար ժամանակ է շարունակվում, եւ, չնայածա, հրադադարի ռեժիմի պայմանավորվածությանը, երկու ոկղմերից էլ վնասներ են կրում: Լենմարկերը նշել է, թե ռազմական ճանապարհը հարցի լուծման միջոց չէ, այդ թվում՝ ղարաբաղյան: Նա նաեւ հայտարարել է, թե Լեռնային Ղարաբաղը չի կարող միանալ բանակցային գործընթացին: «Կա բանակցությունների հայտնի ձեւաչափ՝ ԵԱՀԿ Մինսկի խմվի շրջանակներում, եւ դրանք պետք է շարունակվեն հենց այդ ձեւաչափով»,- ընդգծել է հատուկ ներկայացուցիչը: Լեռնային Ղարաբաղի հակամարտությանը ռազմական փուլը ծագել է 1991թ., երբ ի պատասխան ԼՂ բնակչության ինքնորոշման պահանջի, ադրբեջանական իշխանությունները փորձեցին հարցը լուծել` խորհրդային անվտանգության ուժերի (ԿԳԲ-ի հատուկ ջոկատներ) կողմից անձնագրային ռեժիմի իրականացման քողի տակ էթնիկ զտումներ իրականացնելով եւ լայնածավալ ռազմական գործողություններ սկսելու ճանապարհով, որը բերեց հազարավոր զոհերի եւ զգալի նյութական կորուստների: