Panorama.am. 16-3-2010- Այս տարվա ապրիլի 24-ին ԱՄՆ նախագահ Բարաք Օբաման կարտասանի, թե չի արտասանի «Ցեղասպանություն» բառը, շատ բան կախված է Վաշինգտոնում կայանալիք Գլոբալ միջուկային անվտանգության գագաթաժողովից, որին մասնակցելու հրավեր են ստացել Հայաստանի, Թուրքիայի, Ադրբեջանի նախագահները: Ասուլիսում նման կարծիք հայտնեց քաղաքագետ Ստեփան Գրիգորյանը:
Միաժամանակ կարծիք հայտնեց, որ եթե Թուրքիան չվավերացնի հայ-թուրքական արձանագրությունները մինչ ապրիլի 24-ը, հավանականությունը մեծ է, որ Օբաման արտասանի այդ բառը:
«Դա Օբամայի պատվի հարցն է: Նրա քաղաքականությունը բոլոր ուղղություններով գնում է տապալման»,- ասաց քաղաքագետը:
Ս. Գրիգորյանը նշեց, որ եթե Թուրքիան շարունակի սպառնալիքների լեզվով խոսել ԱՄՆ կոնգրեսականների հետ, անցանկալի հետևանքներ կունենան: Նա մտավախություն ունի, որ եթե ԱՄՆ ճանաչի Հայոց ցեղասպանությունը, հնարավոր է ստեղծվի ռուս-թուրքական ալյանս, որը, ինչպես միշտ, բացասական կազդի Հայաստանի վրա:
«Տարածաշրջանում խաղացողները պետք է շատ լինեն, որպեսզի կարողանանք մանևրել: Եթե մեկ ալյանս լինի, Ղարաբաղի հարցը մի քանի ժամվա ընթացքում կլուծվի ոչ մեր օգտին. Ադրբեջանը ավելի մեծ պետություն է, ավելի մեծ հետաքրքություններ կարող է առաջացնել»,- ասաց քաղաքագետ Ս. Գրիգորյանը:
Tuesday, March 16, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment