Արթուր Բաղդասարյանը չի մասնակցի առաջիկա նախագահական ընտրություններին

7or.am. 16-3-2010- ՕԵԿ նախագահ Արթուր Բաղդասարյանը լրագրողների հետ հանդիպման ժամանակ ասել է, որ ինքը չի մասնակցելու առաջիկա նախագահական ընտրություններին, բայց ՕԵԿ-ով մասնակցելու է խորհրդարանական ընտրություններին։ Իսկ այն հարցին, թե ինչո՞ւ չի մասնակցելու նախագահական ընտրություններին, նա պատասխանել է, թե իրենք Սերժ Սարգսյանի հետ ռազմավարական համաձայնություն են կնքել և առաջնորդվելու են դրանով։ Ինչ վերաբերում է նախարարների փոփոխությանը, Արթուր Բաղդասարյանն ասել է, թե Արմեն Երիցյանի և Մանուկ Վարդանյանի հետ իրենք բավական լավ և մտերիմ հարաբերություններ ունեն։ Ըստ ՕԵԿ առաջնորդի՝ կուսակցության առօրյա կյանքով պետք է զբաղվեն ավելի բանիմաց մարդիկ, ոչ թե երիտասրադ սերունդը, և այդ առումով Մհեր Շահգելդյանը, ինչպես նախկինում, զբաղվելու է կուսակցության քաղաքական և գաղափարական ծրագրերով, իսկ Գուրգեն Սարգսյանը՝ տնտեսական ոլորտով։ Արթուր Բաղդասարյանը նաև նշել է, որ Արմեն Երիցյանն ու Մանուկ Վարդանյանը ՕԵԿ անդմաներ չեն եղել, սակայն ՀՀ նախագահի հրամանից հետո անդամագրվել են կուսակցությանը։