News.am. 16-3-2010- Թուրքիայի վարչապետ Ռեջեփ Թայիփ Էրդողանը Անգլիա մեկնելուց առաջ Անկարայի Էսենբողա օդանավակայանում պատասխանել է լրագրողների հարցերին:
Թուրքական CNNturk-ի փոխանցմամբ` լրագրողներից մեկը Էրդողանին հարցրել է, թե արդյո՞ք վերջինս որոշել է գնալ ԱՄՆ, թե` ոչ, ինչին Թուրքիայի վարչապետը պատասխանել է. «Նախարարների խորհրդի հանդիպումից հետո պետնախարար եւ փոխվարչապետ Ջեմիլ Չիչեքը ձեզ դրա պատասխանը տվեց: Նույն բանը ես եմ ասում: Մենք ԱՄՆ այցելություն չենք նախատեսել, սակայն ԱՄՆ-ից հրավեր ունենք: Թուրքիայից թե ով կմասնակցի այդ համաժողովին, դեռեւս չենք որոշել»,-նշել է Էրդողանը:
Նշենք, որ Թուրքիայի նախարարների խորհրդի նիստից հետո պետնախարար Ջեմիլ Չիչեքին հարցրել էին նաեւ, թե խորհրդի նիստում քննարկվե՞լ է արդյոք ԱՄՆ-ի եւ Շվեդիայի կողմից Հայկական օրինագծերի ընդունումը, որին Չիչեքը պատասխանել էր, թե դրա վերաբերյալ Թուրքիայի նախագահը, վարչապետը եւ արտգործնախարարը արդեն հանդես են եկել հայտարարությամբ:
Tuesday, March 16, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment