7or.am. 6-7-2010- «Ժառանգություն» կուսակցությունը կարևոր է համարում Միացյալ Նահանգների պետքարտուղարի այցելությունը տարածաշրջան։ Այդ մասին այսօր լրագրողների հետ հանդիպման ժամանակ ասել է ԱԺ «Ժառանգություն» խմբակցության ղեկավար Ստեփան Սաֆարյանը՝ նշելով, թե պետքարտուղարի այցը կոչվել է արևելաեվրոպական շրջագայություն, որի ընթացքում նա այցելել է Լեհաստան, Ուկրաինա, Վրաստան, Ադրբեջան և Հայաստան։
-Հետաքրքիր ազդանշան էր սա, հատկապես այն պարագայում, երբ Թուրքիա այցելություն չկար, ինչը նշանակում էր, որ ԱՄՆ-ը Թուրքիան չդիտարկեց որպես Արևելյան Եվրոպայի մի մաս։
Երկրորդ կարևորը, ըստ Ս. Սաֆարյանի, այն հայտարարությունն էր, որն արել է Հ. Քլինթոնը հայ-թուրքական հարաբերությունների կապակցությամբ, այն է՝ «Գնդակը գտնվում է Թուրքիայի դաշտում», սրանով, բանախոսի խոսքերով՝ ակնհայտորեն, ձախողման պատասխանատվությունը և հետագայում գործընթացի առաջ շարժվելու բեռը դնելով Թուրքիայի վրա։
Ինչ վերաբերում է Ծիծառնակաբերդ Քլինթոնի կատարած այցին, ապա դա թեև մասնավոր այցելություն էր, սակայն Ս. Սաֆարյանն այն համարել է բավական ցուցադրական մի քայլ, որն ակնհայտորեն ցույց է տալիս Թուրքիայի նկատմամբ ԱՄՆ-ի այս պահի վերաբերմունքը։
Tuesday, July 6, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment