Ադրբեջանում վահաբականների և Աղդամի ադրբեջանցի փախստականների միջև բախում է տեղի ունեցել

7Or.am. 6-7-2010- Ինչպես տեղեկացնում է «АПА» գործակալությունը, Ադրբեջանի Թերթերի շրջանում վահաբականների և Աղդամի ադրբեջանցի փախստականների խմբի միջև բախում է տեղի ունեցել։ Այս մասին տեղեկացրել են տեղի բնակիչները։ Հաղորդագրության համաձայն՝ բահերով, կացիններով և այլ գործիքներով զինված կողմերի միջև առաջին բախումը տեղի է ունեցել քաղաքի կենտրոնական փողոցներից մեկում։ Քաղաքում նաև կրակոցներ են լսվել։ Բախման հետևանքով վիրավորվել է 6 մարդ։ Բացի դրանից, ոմանք փորձել են այրել քաղաքի մի քանի առևտրային կետեր, սակայն կրակը մարվել է հրշեջների կողմից։ Երկու խմբերի միջև բախման մասին տեղեկությունը հաստատվել է, սակայն չի մեկնաբանվել Թերթերի շրջանային գործադիր իշխանության և շրջանային ոստիկանության բաժանմունքի կողմից։