Հուլիսի 20-ին Խորհրդարանների նախագահների համաշխարհային երրորդ համաժողովի շրջանակում Ժնևում Հունաստանի խորհրդարանի նախագահ Ֆիլիպոս Պետսալնիկոսի հետ հանդիպման ժամանակ ՀՀ ԱԺ նախագահ Հովիկ Աբրահամյանը կարևորել է երկու երկրների միջև միջխորհրդարանական կապերի զարգացումը և հետագա խորացումը` նշելով, որ միջխորհրդարանական շփումները բավարար մակարդակի վրա չեն և զարգացման մեծ ներուժ ունեն։
Այս համատեքստում նա անհրաժեշտ է համարել աշխուժացնել Հայաստանի և Հունաստանի խորհրդարանական պատվիրակությունների փոխայցելությունները` ապահովելով դրանց շարունակական բնույթը, ինչպես նաև ակտիվացնել պատգամավորական բարեկամության խմբերի գործունեությունը։ Հովիկ Աբրահամյանը կարևոր է համարել նաև տարբեր միջազգային և տարածաշրջանային կազմակերպություններում երկուստեք հետաքրքրություն ներկայացնող հարցերի շուրջ երկու երկրների խորհրդարանների ներկայացուցիչների սերտ համագործակցությունը։
Պետսալնիկոսը նույնպես կարևորել է երկու խորհրդարանների միջև գործակցությունը զարգացնելու անհրաժեշտությունը և նշել, որ Հունաստանի խորհրդարանում ստեղծվել է Հունաստան-Հայաստան բարեկամության խումբ։ Նա վստահություն հայտնեց, որ խմբի գործունեությունը էապես կնպաստի միջխորհրդարանական կապերի աշխուժացմանը։
Հունաստանի խորհրդարանի նախագահը վերահաստատել է ՀՀ ԱԺ նախագահին Հունաստան հրավիրելու իր պաշտոնական հրավերը, ընդգծելով որ այն կարևոր քայլ կլինի միջպետական հարաբերությունների խորացման գործում։
Հանդիպման ընթացքում քննարկվել են նաև տարածաշրջանային զարգացումներին առնչվող հարցեր։
Wednesday, July 21, 2010
Subscribe to:
Post Comments (Atom)
No comments:
Post a Comment