Թուրքերը վիրավորվել են Մեդվեդեւի Կիպրոս այցելությունից

News.am. 7-10-2010- Թուրքական մամուլը Մեդվեդեւի այցը Կիպրոս ներկայացրել է որպես թուրքերին վիրավորող այցելություն:

Թուրքական Milliyet-ն ուշադրություն է դարձրել այն հանգամանքի վրա, որ Մեդվեդեւը կլինի առաջին ռուս նախագահը, ով այցելել է Կիպրոս:
Anadolu գործակալության փոխանցմամբ` հոկտեմբերի 7-ին Կիպրոս ժամանող ՌԴ նախագահին կընդունի Կիպրոսի հանրապետության նախագահ Դիմիտրիս Խրիստոֆիասը:
Հանդիպումների վերջում կստորագրվեն 2010-2013 թվականների գործողությունների ծրագրեր, որի մեջ մտնում են 14 երկկողմ համաձայնագիր: Դրանցից 6-ը կվերաբերեն տնտեսությանը:
Երկու ղեկավարները կմասնակցեն նաեւ Ռուսական առեւտրային բանկի բացման արարողությանը: