«Եթե այսօր խաղաղությունը պահպանվում է, եթե այսօր Ադրբեջանը չի կարողանում որոշակի իր նկրտումներն իրականացնել, դա խոսում է այն մասին, որ մեր բանակը, մեր զինվորը մարտունակ է»,– հայտարարեց գնդապետը։
Միաժամանակ նա նշեց, որ մեր զորքի մարտունակությունն ու բարոյակամային որակները անընդհատ կատարելագործվում են։ «Մենք միշտ ասել ենք և կրկնում ենք՝ բացի զենքից մենք ոգեղեն ենք, բացի զենքից մենք մշտապես ապացուցել ենք, որ պատրաստ ենք ցանկացած հակահարվածի»,– նշեց Մինասյանը։
Բանակում առկա խնդիրների մասին հարցին ի պատասխան ասուլիսին մասնակցող «Զինվորի մայր» ՀԿ նախագահ Գրետա Միրզոյանն ասաց. «Ես գտնում եմ, որ ճիշտ է այն փիլիսոփայությունը, որ ասում են՝ պետք է համեմատես, որ իմանաս։ Անհամեմատելի է մեր այսօրվա ունեցածը 10 տարի առաջ ունեցածի հետ»։
ՀԿ նախագահը չժխտեց, որ հայոց բանակում կան խնդիրներ՝ միաժամանակ նշելով, որ այդ խնդիրների լուծման ուղղությամբ քայլեր կատարվում են։
Tehran Time
Yerevan Time
No comments:
Post a Comment